Woh Silsile, Woh Shauq, Woh Nisbat Nahi Rahi
Ab Zindagi Mein Hizr ki Wehshat Nahi Rahi,
Toota hai jab se usski maseehai ka tallism
Dil ko kisi maseeha ki hajat nahi rahi,
Phir yun hua ke koi shanasa nahi raha
Phir yun hua ke dard mein shidat nahi rahi,
Phir yun hua ke ho gaya Masroof wo bahut
Aur hum ko yaad karne ki fursat nahi rahi,
Ab kya kisi ko Chahain "Dedil" Humko to Inn Dino
Khud apne aap se bhi Muhabbat nahi rahi...!!!
No comments:
Post a Comment